ياراكب اللــي الى مشت كنهـــا الدانوق
= هميم طوع طفق طارش يشيل الطــرق طراقي
علــى درعية سمـراء فروق نيهـــا منتوق
= تماريها السوامر الى ادبرت سمــار براقــي


حايل ثلاث سنين عليهــا الني زامي فــوق
= وهي حايل تحالي اللي رمـد بالعين تفاقــي


عليها ساطي صدوق صاحي يفهم المنطـــوق
= يشيل العلــم ويوديه للـي فيـه شفــاقي


تثوّر من البراحه لاتبي مزهـــــم ولا معلوق
= عند طلوع الشمس قبل حلــوق الاشـراقي


عطت بالسوق كفاهـــا الله سـوم العــوق
= عسى الله جـارها من عين مشفوح لها اشتاقي


سلم على ابوفهد ورشيد وعطهم من السلام حقوق
= وتراهـم لازمين ومستحقين ولنـا رفــاقي


وسلم على ناصر بن الزير وعلي اخو دقـــدوق
= وتم لي علـى اليسرى سـلام حسن الـوفاقي


تظهر مــــع شمــــــــالي السوق
= يمين عن زرع البديعه لاتجـــي الســاقي


تلفـي لي سعد طير السعـــد بسبــــوق
= يذكر لـنا ليجأ نهـــار الضيق ضيــاقي


ترى من حين تنفج بتوافق واحــــد مطفوق
= كــريم والكــرم لله مـا يجلب بالاسواقي


وقل له يا سعد راعي الهواء يخفي الطــــابوق
= يفيدك عن معـاني قولته لـي لاق مــا لاقي


ترى مشتهين رد الهــواء ونداري المنقـــود
= نخاف يقــال هــذا تايه الـدرب فساقي


انـا مثل متضيع في الحناس وقفلها مفهـــوق
= على الحروه وشاف الصيد له مثل الريب وانساقي


وحداني واحتديت مــع مضيق وحده الشاهوق
= ولا لــه غدوة عني ولوه نشاط واسبــاقي


انا ان حققت شوف العين الى حـدرت سند فوق
= وانا ان سندت لــه لقـاف خالفني مع فراقي