يابو فــــهـــــد لبسـته الفكر جنحان = وصفك دقاق و الفـــؤاد مــهـيوفــي

مـريت مــــــن عند القـرينه مسيان = وصارت تلفت بي روابع شــــفوفي

هـوني بحلم او بعلم او بي سدلان = ولا لبس شــــوف على غير شوفي

ورحــت اتـنـشــد ويـنـه فـلان وفـلان = والى المراجل كالنصايب وقــــوفي

ياما زبـنـهـا كـــل خـايـف وحـفـيـــان = وياما لها على الغـــريب مــعروفي

ما تتقي لين اقبل الركب ضـيـفــــان = يســابـقـونه كـنــهـــــم له ضيوفي

لو ما ببيته ما يســد رمــق جــوعان = يجـيـبـها بالـديـــن ولا صــدوفــــي

وعــن جارهم للخطاء يصدون عميان = تدمح خــــطاه وبالسماحه تروفي

وذيك القصـــــور الى اقبل الضد فتان = لو هم شوي يـنـطـحــون الالوفي

مالبس زان وفعلهم فعل شــــــيخان = ملبوســهــــم محازم والحـتـوفــي

عزالله ان قلـــوبـهــم صــمــع صقهان = يسعد من يضهد وهم له سيوفي

يا ذا القصور اللي غــــدت دون بيبان = جـدرانـهـا وقـف بليا ســقـوفـــي

عزالله انــــــي خابر (ن) فيك سـكان = للعي راع الـحــق مـهـيب توفـــي

اقــــولــهــا عـــــندي دليل وبرهــــان = يدري عـــن البارود من له يدوفي

بعـــــــدهم لاشــك مافـيه قــيــفـان = يـمـنـى يدك ولاحــوالي تــطــوفي

يسقيك مـــن نو ســــراء برقه الوان = سيله عــمـم ماب سيله خـطوفي

ســحابة مــــن يد كــــــريم لضميان = يصبـح تتاغر به رفــاع القـضـوفــي

فتوق الحصان تنبت بختري وحوذان = ونبت السـهل تحتار فيه الوصوفي