يامشيرفـه ابكيـه وانـا بكيتـه = ويبكيه منهو دايم الـدوم ينصـاه
ويامشيرفه مامات من ذاع صيته = حاش المراجل والكرم من سجاياه
ويامشيرفه ماختار غيرك لبيتـه = وماختار غير اسمك لداره وسماه
وياموت لو انك تشـاور وجيتـه = ماتسمع اللي راضي لـك توفـاه
وياموت مامهلته وغيره نصيتـه = ودورت غيره من الانذال تنصـاه
وياموت لوهـا بالفـداوي فديتـه = فيما ماملكت وماوجدنـاه سقنـاه
بنخيك ياناصـر ويامـن نخيتـه = في مسلك الوالد حـذاري تعـداه
ببوك طبـع لاحشـا مـا لقيتـه = ضحكة حجاجه وبسمته في محياه
من طبع ابو ناصر لي من بغيتـه = يقضي لزومك ماتعذر لمن جـاه
وياعبيد يامرحوم ويامـن رثيتـه = لعل منزالك مع الحـور تنصـاه
وختامها صلو على مـن دعيتـه = يشفع لنا يوم الحشـر والملاقـاه